Vúhú

Pisssssfull rosa gaman. Geggjað þorrablót og Solla er best! Þunn á morgun.

Skilgreining á góðum og slæmum drætti

Góður dráttur er á við trúarlega uppljómun HALELÚJA!! En lélegur dráttur er á við að vakna á morgnana á mánudögum.
Þessi speki er í boði snillingsins Brylla á vefsvæðinu www.brylli.com
Brylli er frábær, tékk him át at www.brylli.com
Munið www.brylli.com

Þorrablót Eyjafjarðarsveitar

Er í kvöld og þar verð ég. Er að fara að raða mat í þetta fína "trog" sem ég smíðaði í Hagkaup í gær. Trogið er silfurlitað, kringlótt og úr plasti. Ætla að láta mér nægja hvítvín með pungunum mínum. Er hætt við að liggja afvelta ælandi með niðurgang vegna ofdrykkju er að reyna að vera dama og svo vil ég auðvitað ekki vera Sollu til skammar.
Að öðru, þá vantar mig einhvern til að kenna mér tölfræði. Þessi kennari er alls ekki að gera sig og ruglar mig meira en að kenna mér. Þá er betra að fá einhvern sem kann og gera það núna en ekki korter fyrir próf. Anyone out there?

Face off, face on

Lýsir nokkurn veginn lífi konu í sínu daglega amstri. Kona vaknar að morgni og byrjar að setja á sig andlitið svo hún sé nú sem sætust og almenningur verði ekki fyrir andlegu áfalli. Kona fer í gegnum daginn með þetta andlit en hressir þó upp á það með því að bletta í þær skellur sem flagna af með viðeigandi tækjum og tólum. Þegar kemur að háttatíma kemur að heljarinnar vinnu við að skafa andlitið af fyrir svefninn. Það vill engin vakna með það á koddanum við hliðina á sér. Þetta virðist vera hið mesta puð og ferlega tilgangslaust en mér er svo sem sama, ég er miklu sætari með ámálaða andlitið en það venjulega múhaha.
Bara að drepa tíma áður en ég fer í tíma.

Ó Ó Ó Ó og smá Á

Ó mig auma! Vesalings vesalings magavöðvarnir mínir! 500 magaæfingar á 3 dögum og vöðvarnir öskra á náð og miskunn. Hlusta ég? Ónei ég labba frekar eins og krypplingur og læt sem ég heyri ekki í þeim. Bjarg er alveg að bjarga mittinu ójá. Bráðum verð ég með alveg nákvæmlega eins maga og David Hasselhoff þegar hann var upp á sitt besta múhahahaha múhahahaha múhahahahaha.
Hitti Sollu mína í mýflugumynd í dag. Hún afhenti mér miða á þorrablótið ógurlega. Veit að það verður í Hrafnagili en hvar nákvæmlega hef ég ekki hugmynd um. Seinni tíma vandamál, geta varla verið svo mörg hús þarna . Á morgun verður sem sagt arkað í mjólkurbúðina og verslað smá söngvatn, líklega í formi ópal/tópas skots og svo væri nú alveg upplagt að skella í sig fríhafnarhvítvíninu fyrst það er ennþá óopnað í ísskápnum. Þorrabakkinn verður þó frekar fátæklegur en það er bara allt í lagi, það á ekkert að borða ónýtan mat. Bannað að hringja fyrir klukkan 16:00 á sunnudaginn!
Annars ekkert nýtt, bara sama gamla tuggan.

Fitter or fatter?

Magavöðvarnir mínir eru emjandi af kvölum. 300 magaæfingar á 2 dögum hafa riðið þeim að fullu (hættið að hugsa dónalega!). En betur má ef duga skal og þeir verða sko bara að sætta sig við það sem koma skal. Þarf að fara að læra á þessi tæki á stöðinni. Þau eru allt allt allt öðruvísi en tækin sem ég var vön að nota fyrir vestan. Vil síður gera mig að fífli og snúa jafnvel öfugt í einhverri græjunni. Því hefur verið ákveðið að pína einhvern einkaþjálfarann í það að kenna mér á allt draslið sem og útbúa fyrir mig gott prógram til að fara eftir. Skjaldbakan mun vinna!
Engin friður fyrir HMbullum. Allt í botni í ræktinni og mátti sjá æðisglampann í augum fólks sem safnaðist fyrir framan skjái stöðvarinnar í staðinn fyrir að púla.

Alveg er það merkilegt

Hvað smávægilegir hlutir geta glatt mitt kvenmanns hjarta. Verslaði mér kápu og er hamingjusamari sem aldrei fyrr. Svíf um stræti Akureyrar (nöfnin á strætum Akureyrar eru reyndar efni í sér blogg) í nýju kápunni með bros á vör.
Komst að því að Sæunn er búin að breyta mér í merkjasnobb. Baðherbergisskáparnir mínir eru að verða undirlagðir af Comfort Zone snyrtivörulínunni. Áður var ég kona sem reif Nivea úr hillunni í Bónus án þess að hugsa mig um. Núna get ég ekki hugsað mér að vera án Comfort Zone. Dagkremið mitt er að klárast en sem betur fer er dílerinn minn (Sæunn) að fara að vinna í Mekka Comfort Zones svo ég verð í góðum málum. Hvað er að verða að sveitalúðanum mér sem notaði varla dagkrem fyrir nokkrum árum? Neiiiiiii ég vil ekki verða yfirborðskenndur tískuþræll. Hvar er flíspeysan mín?!?
Hef ekkert merkilegt að segja í dag frekar en hinn daginn. Ætla ekki að horfa á handboltann. Ætla hinsvegar niður í Bjarg strax eftir skóla og svitna helling.
Elsk'ykkur öll, þökk sé nýju kápunni minni.

Almáttugur minn!!

Er þetta löglegt?!? http://www.youtube.com/watch?v=ecVE7u4DPes

Til Sæunnar

skíðaði 7 km á hálftíma í meðalþungu færi og gerði samtals 150 magaæfingar, verslaði og bar 50 kg af innkaupum og syni upp á 3. hæð. Finn hvernig þvottabrettið myndast með hraði. Há ar jú dúin? Múhahahaha

Vor, nei ég meina hor

Allir með hor og hósta á Akureyri þessa dagana nema ég. Flensuvertíðin í hámarki og það má vel greina á fjölförnum stöðum þar sem má heyra fólk sjúga upp í nefið og hósta. Hér eru 2 grísir heima.
Það er von fyrir hagfræðina, mér finnst nefnilega rekstrarhagfræðin alveg ágætlega skemmtileg en þjóðhagfræðin er það hinsvegar alls ekki.
Þurfti að æða með Írisi upp á slysó þegar ég kom heim úr skólanum. Stelpurassinn var búin að skera sig og þurfti að sauma nokkur spor í olnbogann hennar. Nú labbar hún eins og krókódíll hafi bitið stykki úr handleggnum, sárþjáð í stíl við fyrirferðarmiklar umbúðirnar.
Er komin í fitness keppni við Sæunni, hvor okkar verður undan að fá þvottabrettamaga?!?