Sunnudagur var það Siggi

Sit upp í skóla. Brjál að gera. Þetta skal hafast!

Tik Tak Tik Tak Tik Tak

Nei þetta er ekki auglýsing fyrir skyndibitastaðinn hennar Rakelar Rósar heldur er þetta hljóðið í klukkunni sem telur niður þar til að við þurfum að skila verkefninu í rekstrarstjórnun. Það verður að segjast eins og er að það er ekkert sérlega hentugt að vera excel fatlaður þegar maður þarf að útbúa spádómslíkön. Er að íhuga það af mikilli festu að panta Excel for extra stupid people af ebay.
Sæunn orðin fárveik og liggur græn á brún og brá inn í herbergi unglingsins. Og þar sem að ég vil ekki smitast þá fara okkar samskipti fram í gegnum internetið. Já msn er mjög sóttvænt. Bíð núna spennt eftir því að Skúli verði búinn í skólanum svo við getum farið að klóra okkur saman í hausnum um leið og við nötrum af stressi í takt.
Svo er spurning hvort maður meiki það á ávaxtahlaðborðið í kvöld eður ei.

*rop*

Vísindaferð Glitnis heppnaðist með afburðum vel. Þeir veittu vel og við Sæunn og Skúli nýttum það til fullnustu. Á morgun er svo áætlað að mæta í partý að Dúfnahólum 10 í ávaxtahlaðborð eins og áður. Verkefni hvað?

Hjálpaðu mér upp...

mér finnst ég vera að drukkna. Og já við erum að drukkna í verkefnum! Sé ekki fram á að ná andanum fyrr en í fyrsta lagi í júní. Ef ég hef eitthvað verið að kvarta yfir vinnuálagi á síðustu önn þá tek ég það hér með til baka. Sú önn var himnaríki á jörð miðað við þessa.
Sjáumst í vor.

Byggingarvinna

verkefnis getur verið ansi strembin þegar fólk er með ritstíflu í fimmta veldi. Við sátum öll þrjú hér heima í gærkvöldi fram á nótt og komum alveg heilum 3 línum niður á blað. Ég endirtek, við komum alveg 3 línum niður á blað. Hvert einasta mannsbarn getur séð að það dugar alls ekki til að fylla 10-15 bls. Náðist þó að vinna excel úrlausninar að mestu og þurfum því næst að finna út úr því hvað þær þýða sem er sér dæmi út af fyrir sig. Skil á mánudag og engin orðin stressaður, eða er það nokkuð?
Mig langar svo að kynna ykkur fyrir foreldrum mínum. Hér voru þau í vinnu í gærdag. Svei mér þá ef ég er ekki bara lík þeim báðum.

Í háskóla er gaman....

Þar læra allir saman trallalí.
Sæunn og Skúli mætt á norður landið eftir fremur hressandi flug yfir Mount Akureyri. Búið að versla "nokkra" lítra af lærdómsdjús og einn pela af ópalskoti svona ef við skildum sofna yfir bókunum. Nú verður skrifað á ljóshraða og verkefnin kláruð í massavís. Fundur á Kaffi Karólínu annað kvöld með markaðsfræðihópnum. Vísindaferð í Glitni á föstudaginn og svo hlaðborð á Greifanum á eftir. Á laugardagskvöldið er líklegt að það verði haldin fundur í Sjallanum.
Nóg að gera ójá.

Góður draumur maður

Ætli karlmannsleysið sé farið að segja til sín þegar manni er farið að dreyma dónadrauma um Ríkharð Daðason klæddan í kvenmannsföt og málaðann eins og kelling? Er ekki frá því að ég hafi vaknað smá vandræðaleg í morgun. Í sama draumi týndi ég bæði ryksugunni minni og bílnum og varð kengfull og miður mín.
SPRENGIDAGUR í dag og þá verður baunasúpa snædd sem aldrei fyrr. Ætla að sleppa saltkjötinu því það er hvort sem er vont. Í nótt verður stuð og ekki væri verra að geta jafnað metin með að hafa vissan aðila hjá mér undir sæng. Já þú veist alveg hver þú ert!
En jæja, læra!

Bolludagur

Plan dagsins:

Reikna smá áður en ég fer í prófið í rekstrarhagfræði
Útbúa rjómabollur
Fara í ræktina
Byrja á markaðsfræðiverkefninu
Reyna að fatta tölfræðiverkefni vikunnar
Yfir og út

Jessöríbob

Þetta blogg átti aldrei neinn séns. Það lést því fyrir aldurfram en mig er hinsvegar að finna HÉR

Makalaus konudagur

Í morgun fékk ég að sofa út alveg þar til að börnin vöknuðu og vöktu mig um leið. Ég skrönglaðist svo inn í eldhús og útbjó morgunverð sem ég færði svo sjálfri mér í rúmið. Mér fannst ég vera ofsalega hugguleg við mig. Núna er ég að spöglera í því hvort að ég eigi að hringja og láta senda mér blómvönd. Þarf fyrst að upphugsa eitthvað afskaplega rómantískt og fallegt til að skrifa í kortið, það myndi svo mikið gleðja mig. Alveg er ég handviss um að þetta verður rómantískasti dagur lífs míns.
BOLLUDAGUR Á MORGUN!!!!!!