Ódæðisverk á Urðarveginum

Fyrir um viku síðan skreið heimilisfólkið á Urðarveginum á fætur og hugðist takast á við hið daglega amstur. Mætti þeim þó heldur óhugguleg sýn er á neðri hæðina var komið. Gólfið var fjöðrum þakið og þar sem engin kannaðist við að hafa verið í koddaslag þá um nóttina, var ákveðið að setja af stað rannsókn.
Eftir að verksumerki höfðu verið ljósmynduð og skráð í tilheyrandi möppu var hafist handa að þrífa upp fjaðrirnar. Gólfið undir fjöðrunum var blóði drifið og þóttist heimilisfólk þá vita að ekki væri allt með felldu.
Grunur beindist strax að Kára heimilisketti sem sat makindalega út í hornu, sleikti út um og smjattaði. Kári neitaði allri sök en neitaði að láta lygamæla sig. Engar frekar sannanir fundust og sá heimilisfólk sig knúið til að láta málið falla niður.
En eins og oft þegar allar leiðir virðast lokaðar og ekkert virðist hægt að gera þá kom ný vísbendind fram. Kári hafði sést út í garði með fuglsunga í kjafti og því var ákveðið að efla leitina að fuglslíkum í um 10 metra radíus frá fiðurtætingnum. Sú leit bar árangur nokkrum klukkutímum síðar er heimilisfólkið fann hálfan skógarþröst undir tölvuborðinu.
Þjarmað var að Kára ketti og brotnaði hann saman og játaði allt. Hann játaði að hafa stundað fuglafjöldamorð af miklu kappi síðustu vikurnar og viðurkenndi að fuglslíkin í garðinum væri í raun hans sök en ekki vegna fuglaflensu eins og hann hafði reynt að láta virðast.
Kári köttur var sakfelldur og er kominn í stofufangelsi, en fær þó að fara út í taum undir ströngu eftirliti.
Málið telst að fullu upplýst.

Pirringur!

Vaknaði í morgun með bros á vör. Dró gluggatjöldin frá og brosti ennþá meira þegar ég sá að úti var sól. Hafði mig til og fór í létt sumarföt. Hefði betur getað sleppt því, því þegar út var komið tók á móti manni kaldur norðangarri. Já konur mínar og menn, þetta virðist ætla að vera sumar kraftgallans og föðurlandsins.
Út vil ek!!

Blessuð sé minning hans

Hann Palli bróðir mun hugsanlega ekki vera lengur meðal vor mikið lengur. Sagan er sú að hann og hans litla fjölskylda eru á uppeldistöðvum okkar upp í sveit. Foreldrar okkar eru á ferðalagi en munu koma heim í dag. Palli er búinn að vera að dunda sér að taka til í kringum bæinn. Það þýðir að færa til bílhræ og brotajárn, jafna út hlaðið með jarðýtu, rífa niður tréverk sem gerði ekkert gagn og gjörsamlega umbreyta öllu. Hans eina lífsvon er sú að foreldrar verði það hissa, að hann geti flúið á meðan þau reyna að púsla saman kjálkunum sem duttu í jörðina.
Palli ég hugsa til þín!!
Í dag er sól en samt ekki mikil blíða, í dag er líka einhver undarlegur léttir yfir mér.

Dagurinn í dag

Bíð spennt eftir sumrinu sem ég er alveg hlandviss um að komi á endanum.
Örverpus er orðinn útveikur og má ekki hugsa til þess að fara inn fyrir húsins dyr og heimtar að fara út að labba á sömu sekúndu og hann vaknar. Því eyddi ég deginum í það að þóknast honum eftir bestu getu. Ekki seinna vænna að kenna stráknum að konur séu fæddar á þessa jörð til að þóknast karlmönnum. Við stöldruðum við niður í bæ þar sem sterkustu menn veraldar voru saman komnir til að heyja hina heimsfrægu keppni Vestfjarðavíkinginn. Við fórum og keyptum kringlur, við fórum og kíktum í dýrabúðina og við spörkuðum í fótbolta út í garði.
Plan kvöldsins er ekki komið á blað ennþá en ég býst fastlega við því að það innihaldi sjónvarpsgláp og kvöldmatargerð.
Viktoría ég hlýddi og setti inn nýja skoðanakönnun

Er gifting framundan?

Aldrei að vita og því þarf ég ykkar hjálp!
Hvað styttu á ég að velja ofan á kökuna?
1

2

3

4

Hvað er svona mest ég?

Komin heim í heiðarfjörðinn

Hamingjudagar á Hólmavík voru fremur blautir bæði veðurfarslega séð sem og alkahólslega séð. Undirrituð var þó ein af þeim sem blotnaði ekki neitt að innanverðu, enda er henni það í fersku minni þegar hún varð sér og allri sinni ætt til skammar á Hamingjudögum fyrir ári síðan.
Geitin bragðaðist vel en var svo óvart svín. Naut sveitaloftsins og kleif "fjöll" og naut útiverunnar á ýmsa vegu.
Keyrði svo heim í dag sem er ekki frásögu færandi, nema það að ég lenti fyrir aftan hjólhýsi dauðans. Neyddist til að keyra á 40 -60 km/klst í ca 20 mínútur þar sem sauðurinn með hjólhýsið í eftirdragi var með engar framlengingar á speglunum og sá mig því ekki. Siðprúða ég var næstum búin að lyfta fingri þegar ég loksins komst fram úr, en náði að hemja mig í tæka tíð.

Sælinú

Er upp í sveit að elta gamla geit. Hún mallar nú á grillinu í þessum pikkuðu orðum og ilmurinn er alveg hreint ágætur.
Later dudes

Drekktu betur

við Gerður skelltum okkur á kaffihús og tókum þátt í hinum bráðskemmtilega spurningarleik Drekktu betur. Náðum öðru sæti sem telur ekki neitt og veitti engin verðlaun, en vorum reyndar með bjórspurninguna rétta sem þýddi 2 öl í verðlaun eftir keppni. Skiptum öllurunum út fyrir kakó með rjóma því við erum svo miklar kakóbyttur. Ætlum pottþétt að mæta til keppni næsta fimmtudag og rúst'essu!

Þabbarasona

Komnar nýjar myndir í pot í bumbu albúmið fyrir þá sem hafa aðgang að því.

28. júní 2006 ennþá

Gerðist gildur limur í amnesty international í dag. Borga fyrir það 800 krónur á mánuði og styrki um leið gott málefni.
Afrekaði líka að slá garðinn í dag. Mikið afskaplega var gott að gera eitthvað sem tók á. Búin að vera sófaklessa í tæpar 3 vikur og held svei mér þá að ég hafi ekki haft gott af því. Fífla og njólaræktin mín gaf góða uppskeru og er ég einstaklega stolt af henni. Hugsa að um 1/4 af garðinum mínum sé undirlagur af þessum ófögnuði. Þarf að taka vistvæna illgresiseyðingu á þetta eins fljót og mögulegt er.
Annars ósköp tíðindarlítill dagur. Tel niður dagana þar til ég hitti ungana mína og hlakka mikið til föstudagskvöldsins. Ætla að grilla í tilefni þess hún Sylvía Selfoss mær ættuð frá Þingeyri ætlar að heiðra oss með nærveru sinni. Ég, Gerður og Sylvía + matur og drykkur = frábært kvöld.