Mistókst

Eins og alþjóð veit þá á ég barn sem kúkar í bleiu. Frá því að þetta barn fæddist hef ég reynt hvað ég gæti til að koma mér undan því að skipta á því þegar barnið hefur hraunað. Mér hefur hinsvegar mistekist all svakalega og er greinilega miklum skiptihæfileikum gædd því nú er svo komið að barnið harðneitar að láta annan en mig skipta á sér. Reyndi að koma verkinu yfir á bróður minn í kvöld, en þá orgar grísinn "Nei baða mamma!!" Ekki nokkur einasta spurning að nú er komin tími á að venja barnið á klósett og það sem fyrst. Annars verð ég í djúpum skít það sem eftir verður og það er ekki gott.
Það er skítalykt af þessu öllu.

Móðir heimt úr helju..

...frá sænskum. Frú Hildur, móðir mín elskuleg verður skilað heim á klaka á morgun, föstudag. Guði sé lof og dýrð fyrir það.
Hef nákvæmlega ekkert merkilegt að segja frekar en hinn daginn, en þar sem að það hefur skapast hefð fyrir daglegu bloggi þá stend ég við mínar skuldbindingar.
Velkomin heim mamma.

Ingólfur Arnarson and the gang

Unglingurinn er búin að vera að læra undir próf og í morgun rétt áður en hún stökk í skólann spurði hún mig hvenær land var numið fyrst á Íslandi. Ég svaraði að það hefði verið í kringum 870. Hún hélt nú ekki, það væri bara hér um bil næstum á sama tíma og Jesús og allir þeir voru til. Sautjánhundruð og eitthvað væri töluvert líklegri tala. Eins stundi hún upp úr skólabókinni á meðan hún las fyrir próf í gærkvöldi "Váhh marr hvað er að þessum flokkum á Íslandi, alltaf að klofna og alltaf verið að stofna nýja". Barnið farið að stúdera pólitík sem sagt.
Að öðru leiti er allt í lukkunnar vel standi hér. Verð barnlaus yfir jólin þar sem afkvæmin vilja yfirgefa móður sína og eyða jólunum vestur á Ísafirði í staðinn. Það verður skrítið.

Sól sól skín á mig

...í mínum villtustu draumum. Hvenær kemur vorið aftur? Mér leiðist haustið og veturinn!
Neyddist til að kaupa mér office 2003 pakkann á allt of margar krónur. Office 2000 sjóræningjaútgáfan mín var ekki nógu góð og með öllu gagnlaus í verkefnagerð sem framundan er.
Allavega þá verslaði ég mér þetta núna fyrir helgi. Mjög svo voldugur pakki og umfangsmikill. Kom heim og tætti utan af honum og kíkti spennt inn í kassann. Þvílíkt frat! Inn í kassanum var vesælt cd hulstur sem innihélt diskinn og ekkert annað. Þvílík sóun á góðu plássi!
Kassinn með son og sódavatn til samanburðar.

Séð inn í kassann.

Og þetta var nú allt og sumt. Takið eftir fögrum höndum Sæunnar.

Karíus og Baktus

Fór í leikhús í dag með börnunum. 2,5 mínútum eftir að sýningin hófst, ákvað einkasonurinn að þetta væri fullmikið af því góða og rak upp hátt og snjallt org. Barnið var með öllu óhuggandi svo ég þurfti að fara með hann fram. Þar reyndi ég að múta honum á ýmsa vegu án árangurs og eyddi því mínum tíma í andyrinu á meðan Karíus og Baktus enduðu för sína út í sjó.
Sæunn er búin að yfirgefa mig og ég er óhuggandi. Vorum báðar sammála um það að kvöldið hefði verið snilld og að hópurinn hefði verið frábær. 8-9 manns og allir með sama aulahúmorinn svo að það var mikið mikið hlegið. Frasi kvöldsins var pottþétt "Just screw down the workshit and crick the cunt". orð kvöldsins var"spreadshit". Og þetta var allt fróðleikur úr fyrirlestri.
"Ávaxtahlaðborðið" er farið að segja til sín núna og ég er ansi ræfilsleg að sjá. Merkilegt að maður hafi ekki steindrepist miðað við fjölda af skotum, vodkakellingabjórum og síðast en ekki síst bjórum. Tókst þó að sleppa því að gera mig að fífli í þetta sinn og held því inn í nýja viku með bros á vör.
Ég held ég fari bara að sofa núna.

Frábært kvöld

Vöknuð klukkan allt of snemma og er eitthvað undarlega þyrst ásamt því að vera með ólgu í maga sem hefur leitt mig inn á náðhúsið oftar en einu sinni þennan sólarhringinn. Það er í fínu lagi því sjaldan hef ég skemmt mér eins vel og í gærkvöldi. Ég dansaði mig upp að klofi, söng hástöfum og trampaði á glerbrotum sem voru út um allt dansgólf.
Skrönglaðist svo haugdrukkin heim til mín klukkan hálf sex í morgun eftir að hafa eytt dágóðum tíma leigubílaröð.
Ég er með hausverk ái!

Við Sæunn alveg blá edrú

Baldur a.k.a. Gunni í Gunni og Felix

Helgi Þór hjúkka

Sæunn, Baldur og Denni

Ég og Sæunn allsgáðar í Sjallanum

Paparnir klikka ekki og mikið var kvöldið frábært

Léleg fyllibytta

Komin heim rétt fyrir miðnætti allsgáð og geyspandi. Vöknuð fyrir átta og sit hér núna og velti fyrir mér afhverju ég sé ekki sofandi. Börnin eru ekki einu sinni vöknuð.
Gærkvöldið var aldeilis ágætt samt sem áður. Fínt matarhlaðborð og fínn félagsskapur. Enda eru fjaranemar aðeins nær mínum aldri en staðarnemar. Enduðum kvöldið á kaffi Amor þar sem Óli Palli Rokklands þeytti skífur.
Í kvöld er Papaball í Sjallanum og okkur Sæunni er boðið í partý að Dúfnahólum 10.
Það er rok hér og snjóar laufum.

Farin á fyllerí *hik*

Fín og nýförðuð af einkasnyrtifræðingnum mínum held ég út á veiðilendurnar. Óskið mér góðs gengis!

It's beginning to look a lot like Friday

Sæunn mætt á svæðið. Ekki það að ég fái að sjá hana mikið þar sem hún er allan daginn upp í skóla á misskemmtilegum fyrirlestrum. Í kvöld ætlum við hinsvegar að fjölmenna báðar tvær í "vísindaferð" hjá nemendafélaginu. Í svona vísindaferðum verður víst að kaupa vísindalegt nesti og mun ég gera það í hini vísindalegu búð ÁTVR.
Var að fá einkun úr fjölmenningunni í gær um guidelines on personal relationship at work og er bara nokkuð sátt. Þó ég sé reyndar einkunnarsnobb og sætti mig illa við einkunnir undir 8 þá var ég mjög ánægð með sjöuna mína, sérstaklega í ljósi þess að meiri hlutinn var með 3-4 og meðaleinkunin yfir alla var eitthvað um 5. Prófessor Sæunn grísaði samt og var sú eina sem fékk 10.
Engin skóli í næstu viku og fær maður þá bara að sitja á sínum mjúka rassi heima hjá sér og vinna þar í friði og spekt.
Hvernig kemur maður fíl í gegnum tollinn??
Jú þú setur auðvitað brauðsneið sitthvoru megin við hann og kallar hann nesti!

Gott að vera vitur eftir á

Komst að því í skólanum í morgun að líklega var ekki sniðugt að borða svona mikið rúgbrauð með soðnu ýsunni í gærkvöldi. Ég vaknaði uppþembd í morgun og leysti vænan fret svo að sængin lyftist eins og pilsið hennar Marilyn Monroe hér í den. Hélt ég hefði náð að losa mig við allt loft áður en í skólann var haldið en svo var nú aldeilis alls ekki. Eyddi morginum í það að vera afskaplega uppþemd og afskaplega illt í kviðarholinu. Síðast en ekki síst var ég í harðri baráttu við eiturgufur sem út vildu. Ég vann sem betur fer þá baráttu því annars hefði getað skapast mikið og alvarlegt umhverfisslys.
Ætti ég að fá mér meira rúgbrauð?