Laugardagskvöld

Ég er nokkuð viss um að það er einhverskonar bílhurðasamsæri í gangi gegn mér. Rassatinn hefur ákveðið að bílstjórahurðin skuli haldast lokuð og finnst ekkert að því að ég þurfi að klifra yfir í farðþegasætið og út þar. Þegar Anna Lóa og Solla komu að sækja mig í gærkvöldi voru sömu stælarnir í bílhurðinni á Önnu Lóu bíl og ég máti húka úti í brunagaddi í sparigallanu að reyna að komast inn til þeirra í hlýjuna.
Leikhúsið var skemmtilegt. Byrjaði á því að fara inn á salernið í leikhúsbyggingunni þar sem Anna Lóa skeindi mig. Skemmtileg fyrstu kynni það. Svo hófst sýningin sem var fyndin en jafnframt mjög hrottafengin. Við sátum á fremsta bekk og frussið gekk yfir okkur þegar leikurunum var mikið niðri fyrir. Það var hinsvegar mjög hentugt og athyglivert að vera á fremsta bekk þegar leikararnir tættu sig úr görmunum og stóðu svo þarna fyrir framan okkur á fæðingargallanum. Ég sá tippi. Fórum út að borða, það var gott. Fórum heim til Önnu Lóu og sátum þar til klukkan gvöð má vita hvað áður en við skröngluðumst í bæinn "duck style". Skröngluðumst svo aftur heim til Önnu Lóu eftir bæjarrápið þar sem ég hékk hálfsofandi á öxlinni á Sollu. Eignaðist nýja bestu vinkonu. Hún hélt ég væri á aldrinum 25-28, verst að ég man ekkert hvað nýja besta vinkona mín heitir.
Jólasveinninn hefur greinilega líka verið að djamma í nótt og aðeins gleymt sér því skór heimilisins voru tómir í morgun. Það var svo sem ekkert mikil sorg yfir því. Ég sannfærði liðið um að honum hefði eflaust seinkað og myndi redda þessu við fyrsta tækifæri, sem hann er búinn að gera.
Í dag er dagur pakksins. Til hamingju pakk.

Fullur

og það er gaman. Takk Solla, Anna Lóa og Húni fyrir skemmtilegt kvöld.

Mandarínur

Á hverju ári um þetta leiti er mandarínuvertíðin. Það þýðir að það séu keypt rúmlega 5 kg af mandarínu á viku sem hverfa svo ofan í heimilisfólk á methraða. Húsmóðirin er sérlega solgin í rínurnar og á það til að sporðrenna hátt í 10 stykkjum á einum degi. Um daginn var ein mandarína eftir í ávaxtaskálinni og var húsmóðir að spara hana fram yfir fréttatíma, en þá hugðist hún njóta hennar ein án þess að hafa suðandi börn yfir sér. Fréttir byrjuðu og húsmóðir límdist við skjáinn. Einbeitt fylgdist hún með helstu viðburðum dagsins en var trufluð af smjatthljóði og sætum ilmi mandarínu. Í angist snéri hún höfðinu og sá síðasta bátinn hverfa upp í gin örverpisins sem stundi "mmmmmmmm góð mandalína mamma!"
Svona til viðbótar þá gengur örverpið um þessa dagana og tilkynnir öllum að hann heiti Jóha Hór Júlíuson.

Föstudagur

Og afmælisveislan hennar Karenar búin. Tókst með ágætum og myndir má sjá í albúminu hér til hliðar.

Urrrr

Stærðfræðiskruddurnar koma með í fríið, eins gott að bókfærslan komi ekki með líka.

Gullhamrar?

Skellti mér í klippingu og hárlitun í dag sem undir venjulegum kringumstæðum væri ekki neitt sérstaklega merkilegt. Nema ég kem heim og unglingurinn ropar út úr sér "varstu að lita hárið?" Ég jánka því og spyr um leið hvernig henni finnist. "Ótrúlega jólalegt og glansandi". Undarlegt svar sem ég bið um nánari útskýringu á. "Já sko það er svo rautt og fallegt og það er svo jólalegt". Samkvæmt þessu þá dreg ég þá ályktun að hárið á mér sé eins og einhver glimmerlengja sem notuð er til skreytinga um jól. Mér sem fannst ég svo mikil skvísa

Jólastúss

Núna hefur maður loksins tíma til að jólastússast. Þarf að koma pakkanum til svíanna í póst. Kaupa jólagjafir, pakka þeim inn, ÞRÍFA og þvo, undirbúa afmæli og halda veislu, pakka niður bæði fyrir mig og afkvæmin, skella upp jólatrénu svo maður fái nú einhver jól.
Laugardagurinn fer í skrall. Solla, Anna Lóa og ég sjálf ætlum í leikhús að sjá Herra Kolbert. Svo er planið að fara út að borða og svo ef stemming er fyrir þá verður kíkt á skrall. Veit að Sálin er að spila í Sjallanum svo það er aldrei að vita nema að maður skelli sér þangað.
Sunnudagurinn fer í að ná heilsu og halda smá jólastund með ormunum. Mánudagurinn fer í að leggja lokahönd á pakkeríð.
Ég tel það líklegt að það verði engin jólakort frá mér í ár. Sýnist ég ekki hafa nokkurn einasta tíma til að útbúa og skrifa þau.

VÍHAAAAAAAAAAAAA

Búin í prófum og komin í jólafrí. Allir þeir sem ég hef vanrækt mega því fara að hlakka til að vera afvanræktir. Gekk bara dúndur vel í síðasta prófinu en svo á eftir að koma í ljós hvort að kennarinn er sammála. Eftir akkúrat viku og 1 dag verð ég í loftinu á leið til US and A og það verður aldeilis spennandi.
Er í vandræðum með örverpið. Hann vill opna alla pakka sem ég er að pakka inn. Frekjupjakkur sem er ekki alveg að fatta að það eru ekki allir pakkar fyrir hann.

!!

!!!!!!!!!!!

Hausverkur.is

Held ég sé að kvefast.
Er að lesa Geert vin minn Hofstede og Market Leader fyrir próf morgundagsins. Það verður um 2 tíma langt og á þessum 2 tímum þurfum við að skrifa ca 2000 orð á ensku. Ég sé fram á skrifkrampa.
Svo fer ég og læt fiffa á mér hárið að morgni fimmtudags og er svo með afmælisveislu síðar um daginn. Pizzubakstur og skúffukaka þann daginn með nokkrum 11 ára ærslabelgjum.
Á laugardaginn verður sko tekið á því! Solla er búin að bjóða mér í leikhús og planið er að fara út að borða, leikhús og svo skrall.
Jóli kom og gaf í skóinn á þessum bæ í nótt. The non believers fengu glansmyndir og sá stutti sem er ennþá ofsa hamingjusamur með eplið sem jóli gaf honum um daginn, fékk sebrahestasprellikall. Reyndar fannst honum alls ekki við hæfi að hafa skó út í glugga og skildi ekkert í þessum sóðaskap. Jóli er flottur.
Í mig vantar allt jólaskap.