Aumingi

Búin að liggja eins og klessa í rúminu í dag, skjálfandi með beinverki. Yndislegur laugardagur bara. Sem betur fer ætlar Greifinn að elda fyrir mig kvöldmatinn og mun koma með hann hingað heim að rúmstokk innan fárra mínútna.
Hef verið að vafra um leyndardóma einkamála.is í leit að hinum fullkomna lífsförunaut. Það sem er í boði eru bólugrafnir unglingspiltar sem vilja eina reynda, karlmenn á aldur við föður minn, heill helvítis hellingur af giftum köllum og síðast en ekki síst fíflin. Mér hefur nú samt tekist að finna draumaprinsinn þarna inni og hér er er mynd af honum...

Hann ku vera vel hanginn, tilfinningatýpa sem þorir að gráta, fjúkandi ríkur (á flottari ipod en nágranninn) og síðast ekki en síst þá setur hann það ekki fyrir sig þó að ég sé útjöskuð móðir 4 barna. Hvað þarf maður meira?
Vil samúð því ég er lasin.
Smá viðbót...

reyndar er ein undantekning en það er þessi frábæri tónlistar og textahöfundur að nafni Brylli... sannkölluð goðsögn og herramaður fram í fingurgóma. Sjá link hér til hliðar.

Pirruð

Vaknaði við yndislegan rifrildissöng Karenar og Írisar klukkan allt of snemma eftir andvökunótt með vælandi veikum Jóhanni og er því pirruð. Því þykir mér tilvalið að skrifa niður pirrings lista svona svo að fólk sem þekkir mig og vill halda áfram að þekkja mig geti haft hann til hliðsjónar.

Mér leiðist nöldur og tuð.
Mér leiðist afskipta og smámunasemi.
Mér leiðist sérlega mikið þegar fólk er óheiðrarlegt og getur ekki komið hreint fram við mig.
Mér leiðist tilætlunarsemi.
Mér leiðist langrækni.
Mér leiðist baknag.
Mér leiðist stjórnsemi.
Mér leiðist fólks sem setur upp lista yfir það sem því leiðist.
Solla búin að bjóða mér á skemmtilegasta og besta þorrablót norðan Alpafjalla (að hennar sögn) síðar í mánuðinum. Hlakka mikið til og vonani verð ég orðin afpirruð fyrir þann tíma.
Drakk að sjálfsögðu ekki hvítvínið í gærkvöldi en á það þá bara eftir.

Föstudagskvöld

Jóhann orðinn fárveikur svo að afmælisframkvæmdum verður frestað.
Viktoría búin í krabbaskanninu, engin krabbi en innilega til hamingju með brjósklosið rassarófan mín.
Á fríhafnarhvítvín inn í ísskáp og þar sem Sæunn og Skúli eru endalaust að tuða í mér hversu ómenningarleg ég sé í víndrykkjunni var ég jafnvel að spöglera í því að fá mér eitt glas í kvöld. Það er að segja ef ég tími að opna flöskuna.

Fuck og shit og crap!

Þessi önn verður strembin. Hræðist tölfræðina, hún ku vera erfið, mér skilst að meðaleinkuninn í ársreikningunum sé 4 svona að jafnaði svo ekki verður það heldur létt. Nokkuð ljóst að það verður ekki mikið djamm og dufl og droll í tölvunni fyrr en um miðjan maí. Búin að kaupa mér bækur 3. faga á 12þús sem hefðu kostað 24þús ef þær hefðu verið keyptar nýjar. Þá vantar bara 2 bækur í viðbót og þá er ég klár. Önnur kostar tæpan 9þúsara og hin er á um 6þúsara. Hvernig réttlæta þeir þetta verð á bókum sem er ekki einu sinni búið að þýða yfir á íslensku?
Föstudagur í dag, barnaafmæli Írisar á morgun.
Mig vantar almennilega tösku undir tölvuna og skóladótið.
Búin að sprikla alla daga vikunnar og vigtin hefur flogið niður um 2 kg sem er bara fínt.
Ekki ennþá búin að festa upp gardínustangir hjá mér og Drésa.
Ekki ennþá búin að fara með ferðatöskur niður í geymslu.
Ekki ennþá búin að gera fullt af hlutum.

Dojojong

Einu sinni var lítill strákur er Sigurður hét. Hann var alltaf kallaður Siggi. Einu sinni átti Siggi að fara út í búð að kaupa snickers fyrir mömmu sína. Siggi vildi ekki fara út í búð að kaupa snickers fyrir mömmu sína því honum fannst mamma sín allt of feit. Hann varð samt að gegna mömmu sinni og fór því út í sjoppu aftur og aftur og keypti fyrir hana snickers og mamman varð feitari og feitari þar til að hún sprakk í loft upp. Þá varð Siggi munaðarlaus en það var allt í lagi því hann var 45 ára.
The end.

Bojojong

Bjargvættur Guðbjargar var líkamsræktarstöðin Bjarg sem bjargaði henni alveg. Mikið er gott að vera farin að sprikla aftur. Svo er George Foreman lín mín fatrídjúsíng grillíng massín alveg snilldar græja líka. Hendi bara kvöldmatnum eins og hann leggur sig, kjöt/fisk/grænmeti, á græjuna og voila veislumáltíð.
Fór í Pennann í dag til að athuga með skólabækur. Meðalverð bókar er um 6500 krónur svo ég snarhætti við kaupinn og ætla í víðtæka leit um internetið að þeim í staðinn. Veskinu mínu er búið að verkja mikið síðustu mánuði og nú er kominn tími á að lina kvalir þess.
Er alvarlega að íhuga Spánarferð í sumar. Kostar 300 þús. að fara í pakkaferð fyrir okkur öll í 2 vikur með ferðaskrifstofum frónbúa en ef ég myndi kaupa flug út og leigja sumarhús/íbúð þá lækkar kostnaðurinn um næstum helming. Sem er örlítið meira en ef ég færi með stóðið til Costa del Hörby.

Ég vann

Fékk senda heim bók frá forlaginu Jentas fyrir nokkrum dögum. Með bókinni var greiðsluseðill og svo bréf til mín. Á bréfinu stóð að Jentas væri að bjóða mér áskrift af ísfólksbókunum. Ef ég hinsvega vildi ekki gerast áskrifandi ætti ég að hafa samband við þau og afþakka áskriftina og jafnframt endursenda bókina eða greiða greiðsluseðilinn. Þar sem að ég bað aldrei um að fá þessa bók fannst mér það ekki vera í mínum verkahring að endursenda þeim bókina, hvað þá að borga fyrir eitthvað sem ég bað ekki um. Sagðist ég ekki vilja gerast áskrifandi en hinsvegar myndi ég geyma bókina þar til að þau myndu sækja hana. Ekki gátu þeir sótt hana en báðu mig endilega að skella henni í póst þegar ég ætti leið þar um. Ennþá ítrekaði ég að mér fyndist ég ekki eiga að þurfa að gera mér ómak niður á pósthús til að endursenda eitthvað sem ég bað ekki um. Eftir nokkrar tölvupóst samningaviðræðusendingar okkar á milli var mér svo gefin bókin. Kannski tuð yfir engu en mikið finnst mér bjánalegt að vera að reyna að selja áskrift á þennan máta og ef eitthvað er þá fælir það mig frá viðskiptum frekar en að laða mig að.
Fékk ævisögu Jóns Gnarrs í jólagjöf og er að lesa mig í gegnum hana. Fín bók sem er bæði fyndin en jafnframt pínulítið sorgleg. Heppna ég að vera ekki mamma hans.

Frunsa III

Ég held ég sé flutt á Frunsureyri ekki Akureyri. Síðan ég flutti hingað hafa heimsótt mína efri vör hvorki meira né minna en 3 frunsur. Það er meira en ég hafði fengið 10 árum fyrir flutning. Sem betur fer er ég vel vopnuð frunsubana í þetta sinn.
Skólinn byrjaði formlega í dag og þá þarf maður að fara að punga út fyrir fokdýrum bókum. Kúrsar annarinnar eru markaðsfræði, rekstrarhagfræði, rekstrarstjórnum, tölfræði og ársreikningar. Er alvarlega að spá í að svissa yfir í markaðssérsvið af fjármálasérsviði. Þarf að skoða þetta betur þó.
Ekki stigið inn í ræktina í 2 mánuði en nú dugar ekkert droll lengur. Hef safnað á mig 3-4 mjög svo óvelkomnum kílóum eftir flutning til Frunsureyrar og þau skulu fá að fjúka. Gulrót og vatn og 4 klukkutímar á hlaupabrettinu daglega. Einhver memm?

Mamma hættu að syngja ég er með hausverk

Heyrist í hvert einasta sinn sem ég opna munninn og hleypi frá unaðsfögrum tónum. Undarlegt nokk þá virðist unglingurinn alltaf fá skyndilegan hausverk þegar ég brest í söng. Og þegar ég hugsa um það þá virðast hin afkvæmin ekki vera sérlega upprifin yfir söng mínum heldur. Íris treður gjarnan puttunum í eyrun og Karen segir usssss. Örverpið er sá eini í aðdáendaklúbbi mínum og klappar upp "Siggi var úti" að jafnaði 20 sinnum í röð. Að sjálfsögðu er langskemmtilegast að syngja fyrir pirraðan áheyrenda hóp, sérstaklega þegar ég læt röddina bresta og horfi á angistina í andlitum barna minna. Svei mér þá ef ég tek ekki bara þátt í X-factor á næsta ári. Hvað finnst ykkur?

Afmæli enn og aftur

Fyrir 9 árum síðar ól ég af mér stúlkubarn klukkan 7:10 að morgni og hlaut hún nafnið Ingibjörg Íris, oftast þó nefnd Íris svona dags daglega. Verður að sjálfsögðu haldið upp á það um helgina og ykkur er auðvitað öllum boðið. Afmælisbarnið er búið að panta appelsínugult kjöt í matinn, öðru nafni lærisneiðar í raspi.
Til hamingju með daginn rumputuskan mín.

Stærðfræðipróf klukkan 9 am og það er ekki séns að ég nái því ekki. Búin að læra, farin að sofa.