Ísland gamla Ísland

*UHUPDATE*
Komnar myndir í albúmið.
*UPDATE*
Komin alveg heim núna. Ferðalagið heim á leið er búið að taka vel rúman sólarhring. Júlli og afkvæmi töfðust um klukkutíma og því náði ég að sofa í rassatinum í Brú. Var orðin svo syfjuð að mér fannst eins og ég væri að keyra um á grændoppóttum sebrahesti og þegar ég kom niður af Holtavörðuheiðinni gat ég svoleiðis svarið það að það labbaði 2 metra hár bleikur hamstur yfir veginn.
Öxnadalsheiðinn tók á móti mér með éljagangi og þurftum við að keyra fetið.
Ó hvað það er gott að faðma að sér ormana, hef aldrei verið svona lengi frá þeim áður.
Í flugvélinni settist við hliðina á mér Finninn Jeppi eða Jetti. Náði ekki alveg hvort hann hét. Vorum að ræða nafnaraunir okkar á milli. Ég lenti í töluverðu áreiti vegna nafnins míns. Fólk hváðu, flissaðu eða fórnaði höndum þegar það heyrði eða las það. Kannski ekki skrítið þar sem Gudbjorg hljómar eins og æluhljóð á engilsaxneskunni og þegar Hjartardottir var bætt við þá fékk fólk bara illt fyrir hjartað. Jeppi eða Jetti (Hikkalappalánen?)hafði fullan skilning á því sem ég hafði gengið í gegnum.
Farin í hamborgara til Palla og Írisar.
--------------------------------------------------------------------------------------------------------------------------------------------------------------------------------------------
Komin heim á klakann. Sæunn var mætt stundvíslega klukkan allt of snemma út á Leifsstöð til að sækja mig. Tollverðir skemmtu ser konunglega við að gramsa í skítugu nærbuxunum mínum á 3 flugvöllum af 4 sem ég hef heiðrað nærveru mína með síðasta sólarhringinn. Greyið þeir.Legg af stað heim til Akureyris klukkan 10 og hef ekki tíma til að heimsækja einn eða neinn. Hirði krakkana upp í Brú og fer HEIM. MITT rúm, MINN sófi, MÍN tölva, MITT drasl, MITT!Er draugúldin og grútsyfjuð og mér er líka skítkalt.Later.