X - ?

Í eða B? Gat ekki gert upp við mig. Fór og skoðaði stefnuskrár hjá báðum flokkum og renndi svo yfir listann með frambjóðendum. Endaði á því að fara með Ugla sat á kvisti og strikaði svo yfir þann sem mér líkaði ekki á listanum. Nú skal farið og raðað í sig fínerí í boði frambjóðenda *SLURP*
Gleðilegt sumar.

Vorið er komið, Part II

Já sól skín og vindar blása "hlýjum" vindum. Nú er ég alveg handviss um að sumarið 2006 verður hlýjasta og besta sumar í manna minnum, annars má ég hundur heita.
Ætla að skella mér í kosningakaffi á morgun eftir að ég hef þrammað inn í kjörklefann og gæða mér svo á hnallþórum hjá framboðslistunum. Maður hefur ekki undan því þessa dagana að moka í ruslatunnuna áróðursbæklingum, eyða sms skilaboðum, og afþakka stefnurskrár fróðleik við útidyrahurðina. En sem komið er hefur engin hringt í mig en ég bíð spennt eftir því að segja "já nei ég kýs ykkur ekki" ef svo verður. Sem betur fer þá fær maður þó eitthvað gott að borða á kjördag, því annars myndi maður aldrei sætta sig við þetta áreyti.
Mér leiðast kosningar.
Ég

Myndataka

Fermingarmyndatakan búin. Mikið er það nú gott, ekkert stress með myndatökur á fermingardaginn sjálfan. Frumburðurinn fékk fjölskyldumynd með sér, mér og pabba sínum og er voða lukkuleg með það.
Ohh ég hata að standa fyrir framan myndavél og var með hálffrosið grettubros á þeim flestum. Uggh hata að brosa líka, það bara fer mér ekki að brosa. Fýluvör er flottust hvort sem er.
Eníhú þá er allt komið í flug gír enda ferming eftir 12 daga. Var t.d. að föndra marsipanrósir í gærkvöldi og ég get sagt ykkur lesendur góðir að þið hefðuð ekki viljað vera nálægt mér þá. Þegar hlutirnar ganga ekki upp eins og til var ætlast þá fýkur smá í mig og ég verð oggu ponsu pirruð. Tókst samt að tjasla saman 5 rósum í um 13 tilraunum.
Kveðjur úr sumarblíðunni

Ví ar ðe víners

Horfði á júgróvísjón í gær. Var það bara ég eða voru óvenju leiðinleg lög í keppninni í ár? Og hvað var málið með 3x12 stig til Tyrklands?!? Súpustarið var ekki að heilla mig, einhver hefur nefnt tyrknesku Leoncie þegar minnst var á hana og unglingurinn minn sagði að hún væri með rödd eins og feit kínakona.
Finnar komu sáu og sigruðu og ég gaf Litháum sko stig bara af því að það var púað á þá. Dóna dóna dóna fólk.

Horfast í augu grámyglur tvær

Núna búa hér kettirnir Kári og Fóa, gárinn Bíbí og fiskarnir Brandur, Randver, Raggi, Snúlla, Gulla og Stella og svo má ekki gleyma kuðungs sniglunum Kobba og Kugg. Og að sjálfsögðu þeim fjölmörgu kóngulóm sem hafa lögheimili hér líka.

Það fjölgar í heimili

Skötuhjúin Kári og Fóa Feikirófa eru að fara að flytja til okkar í dag. Þau eru algjör krútt og hafa verið vinir í 8 ár. Kári er af Balinese kyni og þó að þetta sé ekki hann hér á myndinni þá kynið svona

Hún Fóa vinkona hans er Oriental Bicolor kisi og er afskaplega virðuleg. Á ekki heldur mynd af henni en svona lítur kynið út.

Kjút ekki satt?

Erfitt líf

Fyrst Arsenal og nú Silvía? Hversu mikið er hægt að leggja á eina manneskju? Ég er niðurbrotin.

Ekki neitt

Ég er bara alveg tóm. Hef ekkert til að skrifa um en finnst ég samt vera knúin til þess að blogga. Um hvað er annað mál. Kannski ég bloggi um ekki neitt. Ekki neitt er ofsalega þægilegt þegar maður nennir ekki neinu. En hinsvegar getur það verið alveg ferlega þreytandi þegar manni langar að gera eitthvað en finnur ekki neitt. Mér finnst ekki neitt mál að gera ekki neitt og ætla því að láta þetta duga í bili. Þetta er svo sem ekki neitt merkilegt hvort sem er.

Merkileg uppgötvun

Í þau rúmu 33 ár sem ég hef lifað, þá hef ég alltaf haldið að eitt af fínni orðunum yfir rass væri þjóðhnappur. Bara núna í vikunni komst ég að því að rassinn er svo langt frá því að vera þjóðlegur. Þjóhnappur skal það vera heillinn. Held ég haldi mig bara við rass.

Karlmennska

Sonur minn er karlkyns, það er alltaf að koma betur og betur í ljós. Það má ekki sjást til stórvirkra vinnuvéla án þess að hann öskri upp yfir sig af hamingju "VÁ GRAFA!!". Hann situr svo og kubbar með legókubbunum sínum og skýtur mig svo af mikilli hamingju með byssunni sem hann var að smíða sér. Skonda við þetta allt saman að hér hefur engin verið að leika með byssur svo að líklega hefur hann séð til byssuglaðra pottorma í leikskólanum og heillast. Já hann lærir ýmislegt á leikskólanum blessað barnið. Um daginn hljóp hann til mín með bros á vör og sagði hátt og snjallt "SKÍTAFÝLA" og hló svo eins og skúnkur. Hver segir svo að fyrsta menntunarstigið sé ekki mikilvægt? Öll börn í leikskóla og ekki seinna en við fæðingu!